စာရင်းပိုထုတ်ချေးငွေ

လူကြီးမင်းတို့၏ လုပ်ငန်းများအတွက် လှည့်လည်သုံးစွဲငွေ ငွေကြေးအရင်းအနှီးများကို စာရင်းပိုထုတ်ချေးငွေ Overdraft System ဖြင့် ထုတ်ချေး ဆောင်ရွက်ပေးနေပါသည်။

လုပ်ငန်းအမျိုးအစား

• Type of Business – စက်မှုလုပ်ငန်း၊ ကုန်သွယ်မှုလုပ်ငန်း (ပြည်တွင်း/ပြည်ပ)၊ ထုတ်လုပ်မှုလုပ်ငန်း၊ စိုက်ပျိုးရေးလုပ်ငန်း၊ ဝန်ဆောင်မှုလုပ်ငန်း၊ သယ်ယူပို့ဆောင်ရေးလုပ်ငန်း၊ ဆောက်လုပ်ရေးလုပ်ငန်း၊ အခြား အထွေထွေ လုပ်ငန်းများ၊

အာမခံပစ္စည်း

• မြေ – ဘိုးဘွားပိုင်မြေ၊ ဂရန်မြေ၊ ဂရန်ရှိ မြေပိုင်မြေ၊ လန-၃၉ ရပြီး မြေ၊ လန-၃ခ ရပြီး မြေ (သီးခြား ကန့်သတ်ချက်ပါရှိခြင်း မရှိသော မြေများ) (အမည်ပေါက် ပိုင်ဆိုင်ရပါမည်)
• အဆောက်အဦး – အနိမ့်ဆုံးအဆင့် အုတ်ညှပ် အဆောက်အဦးပါရှိရမည်။ (မြေကွက်သက်သက်အာမခံအားရယူ၍ ထုတ်ချေးခြင်း မပြုသကဲ့သို့ အာမခံမဲ့လည်း ထုတ်ချေးခြင်းမပြုပါ။)
• ထုတ်ချေးငွေပမာဏ – လုပ်ငန်းအခြေအနေ ကောင်းမွန်မှုနှင့် လုပ်ငန်းလည်ပတ်ရန်၊ တိုးချဲ့လုပ်ကိုင်ရန် ရင်းနှီးငွေ လိုအပ်ချက်အတွက် အာမခံပစ္စည်း၏ တန်ဖိုးအပေါ် ဘဏ်မှသတ်မှတ်ရာခိုင်နှုန်းထက်မများသော ပမာဏ တစ်ရပ် ထုတ်ချေးပါသည်။
• လုပ်ငန်းအတွေ့အကြုံ – သင့်တင့်လျှောက်ပတ်သော လက်ရှိလုပ်ကိုင်နေသည့် လုပ်ငန်း အတွေ့အကြုံ ရှိရပါမည်။ အနည်းဆုံး(၃)နှစ်
• အတိုးနှုန်း – တစ်နှစ်လျှင် (၁၂.၅%)ဖြင့် ထုတ်ယူသည့် ပမာဏပေါ်တွင် သုံးစွဲသည့် ကာလအလိုက် တွက်ချက်ပါသည်။ ပြက္ခဒိန်နှစ် (၃)လတစ်ကြိမ် အတိုးပေးသွင်းရပါမည်။ အတိုးကျော်လွန်ငွေ (ရှိလျှင်)ပေါ်တွင်လည်း ၄င်းအတိုးနှုန်းအတိုင်း ကောက်ခံပါမည်။ အခါအားလျော်စွာ မြန်မာနိုင်ငံတော်ဗဟိုဘဏ်မှ သတ်မှတ်ထုတ်ပြန်သော အတိုးနှုန်းသို့ ပြောင်းလဲနိုင်ပါသည်။ (ထုတ်ချေးငွေအပေါ် ဝန်ဆောင်ခ လုံးဝ (လုံးဝ) ရယူခြင်းမပြုပါ။)
• အခြားသောစရိတ် – ချေးငွေရာဇဝင် စစ်ဆေးမှု မှတ်တမ်းထုတ်ယူခ၊ စာချုပ်စာတမ်း စစ်ဆေးခ၊ အပေါင်ပစ္စည်း တန်ဖိုးဖြတ်ခနှင့် အာမခံ ပရီမီယံကြေးမှအပ ကနဦးအနေဖြင့် အခြားသော စရိတ်မရှိပါ။
• အခွန်အခ – ပြည်တွင်းအခွန်များ ဦးစီးဌာနမှ အခါအားလျော်စွာ ထုတ်ပြန် ထားသော တံဆိပ်ခေါင်းခွန် နှုန်းထားအတိုင်း ကပ်နှိပ်ရပါမည်။
• ချေးငွေသက်တမ်း – (တစ်) နှစ်သက်တမ်း။