စာရင်းရှင် အပ်ငွေစာရင်း (Current Deposit Account)

ပုဂ္ဂိုလ်တစ်ဦးချင်း၊ တွဲဖက်၊ အဖွဲ့အစည်း (ပုဂ္ဂလိကလုပ်ငန်း၊ ကုမ္ပဏီ၊ ကော်ပိုရေးရှင်း၊ ကုန်တိုက်) စာရင်းများအား ဘဏ်တွင် စာရင်း ဖွင့်ထားသူနှစ်ဦး၏ ထောက်ခံချက်ဖြင့် စာရင်းဖွင့်လှစ်နိုင်သည်။

စာရင်းရှင် စာရင်းအပ်ငွေအတွက် ချက်လက်မှတ်စာအုပ် (Cheque Book ) ထုတ်ပေးပါသည်။

မြဝတီ ဘဏ်ခွဲများရှိ မည်သည့် ဒေသတွင် မဆိုငွေသွင်း / ငွေထုတ် / စာရင်းပြောင်းခြင်းများ ဆောင်ရွက် နိုင်ပြီး ကော်မရှင်ခကို ထုတ်ယူသည့် ပမာဏအလိုက် ငွေလွှဲခ နှုန်းထားအတိုင်း ကောက်ခံပါမည်။

ငွေထုတ်ခြင်း / စာရင်း ပြောင်းခြင်းများ ပြုလုပ်လိုလျှင် စာရင်းပိုင်ရှင် လက်မှတ်ရေး ထိုးထားသော ချက်လက်မှတ်အား ဘဏ်သို့ တင်ပြရပါမည်။

စာရင်းရှင် အပ်ငွေစာရင်းတွင် ငွေလက်ကျန် မလုံလောက်ပါက ငွေစုဘဏ် အပ်ငွေစာရင်း (သို့မဟုတ်) ခေါ်ယူအပ်ငွေစာရင်းမှ Auto Link စနစ်ဖြင့် အလိုအလျောက် စာရင်းပြောင်းရန် စာရင်းပိုင်ရှင်မှ ဘဏ်သို့ ညွှန်ကြားချက် ပေးထားနိုင်ပါသည်။

အခြား ပုဂ္ဂလိကဘဏ်များ၏ ချက်လက်မှတ်ဖြင့် မိမိတို့ မြဝတီဘဏ်စာရင်းသို့ စာရင်းပြောင်း ထည့်သွင်းခြင်း၊ မိမိတို့ မြဝတီဘဏ် ချက် လက်မှတ်ဖြင့်လည်း အခြားပုဂ္ဂလိက ဘဏ်များစာရင်းသို့ စာရင်းပြောင်း ထည့်သွင်းခြင်းတို့ကို စာရင်းရှင်းစနစ် (Clearing System) ဖြင့် ဆောင်ရွက်ပေးပါသည်။