တက္ကသိုလ် ပညာသင်ဆု အပ်ငွေစာရင်း

အသက် (၁၂) နှစ်အောက် ကလေးများအတွက် ကလေး၏ အမည်ဖြင့် မိဘ(သို့) အုပ်ထိန်းသူနှင့် တွဲဖက်ကာ စာရင်းဖွင့်လှစ်နိုင်သည်။

တက္ကသိုလ် ပညာသင်ဆုအပ်ငွေ စာရင်းအတွက် ငွေစုစာအုပ် (Passbook) ထုတ်ပေးပါသည်။

တစ်လလျှင် အနည်းဆုံး ကျပ် ၂၀၀၀/- မှ အများဆုံးကျပ် ၅၀၀၀၀/-အထိ လစဉ်ပေးသွင်းရပါမည်။

စာရင်းဖွင့် လျှောက်လွှာတွင် လစဉ်ပေးသွင်းမည့် ငွေပမာဏ ဖော်ပြရမည်ဖြစ်ပြီး ပေးသွင်းငွေ ပြောင်းလဲ၍မရပါ။

ငွေစုဘဏ်အတိုးနှုန်းအတိုင်း တစ်နှစ်လျှင် ၁၀.၇၅% ဖြင့် တွက်ချက်၍ (၃) လ တစ်ကြိမ် အတိုး ထည့်သွင်းပေးပါသည်။

တက္ကသိုလ်၀င်တန်း အောင်မြင်၍ ငွေထုတ်ယူ လိုကြောင်းတင်ပြလျှင် ငွေစုဘဏ် အတိုးနှုန်းအပြင် ငွေထုတ်ရန် တင်ပြသည့်နေ့ရှိ အတိုးအရင်းပေါင်း စာရင်းလက်ကျန်ပေါ်တွင် ထပ်ဆောင်း ချီးမြှင့်ငွေ ၃%(သို့) ယင်းအချိန်တွင် BOD မှ ခွင့်ပြုသည့် နှုန်းဖြင့် တွက်ချက်၍ ငွေထုတ်ပေးပါသည်။

တက္ကသိုလ်၀င်တန်း စာမေးပွဲတွင် ဂုဏ်ထူးဖြင့် အောင်မြင်ခဲ့လျှင် ဂုဏ်ထူး (၁) ဘာသာလျှင် ကျပ် ၅၀,၀၀၀/- (ကျပ်-ငါးသောင်းတိတိ) ချီးမြှင့်ပေးပြီး (၅) ဘာသာ၊ (၆) ဘာသာဂုဏ်ထူး ရရှိသူများအား တက္ကသိုလ် ပညာသင်နှစ် အလိုက် (၁) နှစ်လျှင် (၁) ကြိမ် နှစ်စဉ် ကျပ်-၂၀၀,၀၀၀/-(ကျပ်-နှစ်သိန်းတိတိ) (ဒါရိုက်တာအဖွဲ့မှ ခွင့်ပြုသောပမာဏ) ဘွဲ့ရသည်အထိ ပညာသင် ထောက်ပံ့ကြေး ထုတ်ပေးပါသည်။ (ကျဆုံးသည့် ပညာသင်နှစ် မပါဝင်ပါ)

တက္ကသိုလ် ပညာသင်နှစ်တွင် ကျရှုံးလျှင် ထူးချွန် အောင်မြင်ခြင်းအတွက် ဘဏ်မှ နှစ်စဉ်ပေးသည့် ထောက်ပံ့ကြေးငွေ ရရှိမည်မဟုတ်ပါ။